agar talash karun koi mil hi jay ga
magar tumhari tarah kaun mujh ko chahega
tumhen zarur koi chahaton se dekhega
magar vo ankhen hamari kahan se laey ga
na jaane kab tire dil par nae si dastak ho
makan ḳhali hua hai to koi aaey ga
main apni raah men divar ban ke baitha huun
agar vo aaya to kis raste se aaey ga
tumhare saath ye mausam farishton jaisa hai
tumhare baad ye mausam bahut sataey ga
Bashir Badr