ﺷﺎﮨﻮﮞ ﮐﺎ ﺷﺎﮦ ﻋﺸﻖ ﮨﮯ، ﺻﺪﺭِ ﺻﺪُﻭﺭ ﻋﺸﻖ

ﺷﺎﮨﻮﮞ ﮐﺎ ﺷﺎﮦ ﻋﺸﻖ ﮨﮯ، ﺻﺪﺭِ ﺻﺪُﻭﺭ ﻋﺸﻖ
ﺩﺭﺑﺎﺭِ ﺩﻝ ﻣﯿﮟ ﺗﺨﺖ ﻧﺸﯿﮟ ﮨﮯ ﺣﻀﻮﺭِ ﻋﺸﻖ

ﺍﺱ ﺣُﺴﻦِ ﺧﻮﺵ ﺍﺩﺍ ﮐﯽ ﺗﺠﻠﯽ ﻣﯿﮟ ﯾﻮﮞ ﻟﮕﺎ
ﻣﻮﺳﯽٰ ﮐﻮ ﻟﮯ ﮔﯿﺎ ﮨﮯ ﺳﺮِ ﮐﻮﮦِ ﻃُﻮﺭ ﻋﺸﻖ

ﺍﺱ ﺑﺎﺭ ﺳﺎﻣﻨﺎ ﺗﮭﺎ ﺳُﻠﯿﻤﺎﻥ ﮐﺎ ﺗﺠﮭﮯ
ﺑﻠﻘﯿﺲ ﺍﺏ ﮐﮯ ﮨﻮﻧﺎ ﺗﮭﺎ ﺗُﺠﮫ ﮐﻮ ﺿﺮﻭﺭ ﻋﺸﻖ

ﺗﯿﺮﮮ ﺩﻣﺎﻍ ﮐﺎ ﺑﮭﯽ ﺯُﻟﯿﺨﺎ ﯾﮩﯽ ﺧﻠﻞ
ﻣﻨﺼﻮﺭ ﺗﯿﺮﮮ ﺳﺮ ﮐﺎ ﺑﮭﯽ ﺳﺎﺭﺍ ﻓﺘﻮﺭ ﻋﺸﻖ

ﺻﺤﺮﺍ ﻧﻮﺭﺩﯾﻮﮞ ﻣﯿﮟ ﮐﮭﭙﺎﺗﺎ ﮨﮯ ﻗﯿﺲ ﮐﻮ
ﮐﭽﮯ ﮔﮭﮍﮮ ﭘﮧ ﮐﺮﺗﺎ ﮨﮯ ﺩﺭﯾﺎ ﻋﺒﻮﺭ ﻋﺸﻖ

ﻓﺮﮨﺎﺩ ﺗﯿﺮﮮ ﮨﺎﺗﮭﻮﮞ ﮐﺎ ﺗﯿﺸﮧ ﯾﮩﯽ ﺗﻮ ﮨﮯ
ﺷﯿﺮﯾﮟ ﺗُﺠﮭﮯ ﺑﮭﯽ ﮐﺮ ﮔﯿﺎ ﮨﮯ ﭼُﻮﺭ ﭼُﻮﺭ ﻋﺸﻖ

ﺭﺍﻧﺠﮭﮯ ﺗﯿﺮﺍ ﺑﮭﯽ ﺟُﺮﻡ ﻓﻘﻂ ﮐﺎﺭِ ﻋﺸﻖ ﮨﮯ
ﮨﯿﺮ ﺍﮮ! ﺗﯿﺮﺍ ﺑﮭﯽ ﺳﺎﺭﮮ ﮐﺎ ﺳﺎﺭﺍ ﻗﺼﻮﺭ ﻋﺸﻖ… !

شاد مردانوی

موضوعات