ﺁﭖ ﺍِﺱ ﻃﺮﺡ ﺗﻮ ﮨﻮﺵ ﺍُﮌﺍﯾﺎ ﻧﮧ ﮐﯿﺠﯿﺌﮯ
ﯾﻮﮞ ﺑﻦ ﺳﻨﻮﺭ ﮐﮯ ﺳﺎﻣﻨﮯ ﺁﯾﺎ ﻧﮧ ﮐﯿﺠﯿﺌﮯ
ﯾﺎ ﺳَﺮ ﭘﮧ ﺁﺩﻣﯽ ﮐﻮ ﺑﭩﮭﺎﯾﺎ ﻧﮧ ﮐﯿﺠﯿﺌﮯ
ﯾﺎ ﭘﮭﺮ ﻧﻈﺮ ﺳﮯ ﺍُﺱ ﮐﻮ ﮔِﺮﺍﯾﺎ ﻧﮧ ﮐﯿﺠﯿﺌﮯ
ﯾُﻮﮞ ﻣَﺪﮪ ﺑﮭﺮﯼ ﻧﮕﺎﮦ ﺍُﭨﮭﺎﯾﺎ ﻧﮧ ﮐﯿﺠﯿﺌﮯ
ﭘﯿﻨﺎ ﺣﺮﺍﻡ ﮨﮯ ﺗﻮ ﭘِﻼﯾﺎ ﻧﮧ ﮐﯿﺠﯿﺌﮯ
ﮐﮩﯿﺌﮯ ﺗﻮ ﺁﭖ ﻣﺤﻮ ﮨﯿﮟ ﮐﺲ ﮐﮯ ﺧﯿﺎﻝ ﻣﯿﮟ
ﮨﻢ ﺳﮯ ﺗﻮ ﺩﻝ ﮐﯽ ﺑﺎﺕ ﭼُﮭﭙﺎﯾﺎ ﻧﮧ ﮐﯿﺠﯿﺌﮯ
ﺗﯿﻎِ ﺳﺘﻢ ﺳﮯ ﮐﺎﻡ ﺟﻮ ﻟﯿﻨﺎ ﺗﮭﺎ، ﻟﮯ ﭼﮑﮯ
ﺍﮨﻞِ ﻭﻓﺎ ﮐﺎ ﯾﻮﮞ ﺗﻮ ﺻﻔﺎﯾﺎ ﻧﮧ ﮐﯿﺠﯿﺌﮯ
ﻣﯿﮟ ﺁﭖ ﮐﺎ، ﮔﮭﺮ ﺁﭖ ﮐﺎ، ﺁﺋﯿﮟ ﮨﺰﺍﺭ ﺑﺎﺭ
ﻟﯿﮑﻦ ﮐﺴﯽ ﮐﯽ ﺑﺎﺕ ﻣﯿﮟﺁﯾﺎ ﻧﮧ ﮐﯿﺠﯿﺌﮯ
ﺍُﭨﮫ ﺟﺎﺋﯿﮟ ﮔﮯ ﮨﻢ ﺁﭖ ﮨﯽ ﻣﺤﻔﻞ ﺳﮯ ﺁﭖ ﮐﯽ
ﺩﺷﻤﻦ ﮐﮯ ﺭُﻭﺑﺮﻭ ﺗﻮ ﺑﭩﮭﺎﯾﺎ ﻧﮧ ﮐﯿﺠﯿﺌﮯ
ﺩﻝ ﺩﻭﺭ ﮨﻮﮞ ﺗﻮ ﮨﺎﺗﮫ ﻣِﻼﻧﮯ ﺳﮯ ﻓﺎﺋﺪﮦ؟
ﺭﺳﻤﺎً ﮐﺴﯽ ﺳﮯ ﮨﺎﺗﮫ ﻣﻼﯾﺎ ﻧﮧ ﮐﯿﺠﯿﺌﮯ
ﻣﺤﺮﻭﻡ ﮨﻮﮞ ﻟﻄﺎﻓﺖِ ﻓﻄﺮﺕ ﺳﮯ ﺟﻮ ﻧﺼﯿﺮ
ﺍُﻥ ﺑﮯ ﺣِﺴﻮﮞ ﮐﻮ ﺷﻌﺮ ﺳُﻨﺎﯾﺎ ﻧﮧ ﮐﯿﺠﯿﺌﮯ
ﺳﯿّﺪ ﻧﺼﯿﺮ ﺍﻟﺪﯾﻦ ﻧﺼﯿﺮ گیلانی