Eid pheeki lag rhi he, ishhq ki taseer bhaij
aa gilaay mil ya libaas eid mein tasweer bhaij
teri khushbu aur khanak mein khat se krlon ga kasheed
choorion walay hinayi hath ki tehreer bhaij
dekh kar weraan galian khauf aata he mujhe
ae khuda! koi gadagar ya koi rahgeer bhaij
meri aankhon ko nah day aadhi adhuri bakhshishen
khawab wapas chean le ya khawab ki tabeer bhaij
jaan labon par aagai he aanso-on ke qeht se
aankhh Bhukhi mar rhi he, gham ke shed-o-hِir bhaij
eid ka Tohfa yeh keh kar uss ne wapas kardiya
mere peeron ke liye payal nahi, zanjeer bhaij
teri Likhi qaid se bahar niklana he mujhe
katib taqdeer! aisa kar, koi tadbeer bhaij
doosray misrey ke gehray raaz ko faris nah khol
is ghazal ko chupkay chupkay waadi Kashmir bhaij
Rehman Faris