منافرت کو بڑھا کر اکابرین بنے
یوں جتنے بھی بنے سارے منافقین بنے !
میں چاہتا ہوں مرا بیٹا شعر کہتا ہو
اور اس وجہ سے مرا شعری جانشین بنے !
خوشی کی خوبروئی کو میں مان جاؤں گا
اگر کبھی وہ مرے غم سی دل نشین بنے !
ممانعت نہیں کیجے ضرور کیجے اسے
حضور جب بھی محبت کا کوئی سین بنے !
مجھے پسند ہے وہ جو ہے اور جیسی ہے
اسے کہو مری خاطر نہ وہ حسین بنے !
وہ آئے روز تدابیر کر رہے تھے اور
یوں اک فقیر صفت کے مخالفین بنے !
کہ ابتدا میں سبھی لوگ ایک جیسے تھے
ہوس کے پیشِ نظر بعض پھر کمین بنے !
جو لوگ کفر کے پیرو تھے کیا گلہ ان سے؟
مگر وہ لوگ جو مسلم سے مشرکین بنے !
وہ قوم کیسے ترقی کرے بتاؤ ذرا
کہ جس کے رہنما سارے ہی جاہلین بنے !
میانِ جنگ تو لڑنے کوئی گیا ہی نہیں
مگر وہ لوگ جو لفظی مجاہدین بنے !
جو سامنے تھے وہ موجودگی کیے ہوئے تھے
جو دور تھے وہی تو اصل حاضرین بنے !
نعمان عزیز